இட்லியின் பூர்வீகம் இந்தியாவா...ஆனால் அதிகமாக இந்திய மக்கள் தான் விரும்புகிறார்கள்..

இட்லியின் பூர்வீகம் இந்தியாவா...ஆனால் அதிகமாக இந்திய மக்கள் தான் விரும்புகிறார்கள்..

👇👇👇👇👇👇👇👇👇👇

பச்சிளம் குழந்தை முதல் பல் விழுந்த முதியோர் வரை எல்லாத் தரப்பினருக்கும் ஏற்ற உணவு, இட்லி. நோயாளிகளும் டயட்டில் இருப்பவர்களுக்கும் மிருதுவான இட்லி மீது ஈர்ப்பு உண்டு. வெளிநாட்டிலிருந்து வரும் சுற்றுலாவாசிகள் இட்லிக்கு அடிமையாகிவிடுவர். இந்த இட்லியைப் பல்லாண்டுகளாக தென்னிந்தியர்கள் சாப்பிட்டு வந்தாலும், அதன் பிறப்பிடம் இந்தியா கிடையாது என்பது தெரியுமா? இந்தோனேசியாவில் இதை `கெட்லி” (Kedli) என்பார்கள். அதுதான், `இட்லி’ என மருவியது. கன்னட மக்கள் பயன்படுத்திய இல்லாலிகே உணவுதான் 'இட்லி' என்றும் சொல்வோர் உண்டு. எப்படி இருந்தாலும், இந்தியாவில்தான் இட்லி ஃபேமஸ் என்று வரலாறு பதிவாகியுள்ளது. 

புளிக்க வைக்கப்படாத மாவினால் ‘டோக்ளா’ என்ற பெயரில் குஜராத்திலும், புளிக்கச் செய்து அத்துடன் கள் சேர்த்து, சிறிது இனிப்புடன் ‘வட்டப்பம்’ என்ற பெயரில் கேரளாவிலும், ‘சன்னாஸ்’ என்று மங்களூளூரிலும், இந்த இட்லி பல்வேறு அவதாரங்கள் எடுக்கின்றன. சாக்லெட் இட்லி, காய்கறி இட்லி, சில்லி இட்லி, சிறுதானிய இட்லி என விதவிதமான ஃபிரஷ் இட்லி முதல் மிச்சமாகி இட்லி உப்புமா ஆவது வரை, பல வீடுகளில் வலம்வருகிறது. எனினும், ஆவியில் வேகவைத்த இட்லியே உடலுக்கு நல்லது.