ஜனவரி-05. அமெரிக்க உடல் வேதியலாளரும், வேதியியலுக்கான நோபல் பெற்ற ஆராய்ச்சியாளர், பேராசிரியர் என பெயர் பெற்றவர்- ஹரால்டு கிளேட்டன் யூரே (Harold Clayton Urey) மறைந்த தினம்.

இன்று நினைவு நாள்:- ஜனவரி-05.

அமெரிக்க உடல் வேதியலாளரும், 

வேதியியலுக்கான நோபல் பெற்ற ஆராய்ச்சியாளர்,

பேராசிரியர் என பெயர் பெற்றவர்- ஹரால்டு கிளேட்டன் யூரே (Harold Clayton Urey) மறைந்த தினம்.

பிறப்பு:-

அமெரிக்காவின் இண்டியானா மாநிலத் தில் உள்ள வாக்கர்காட்டன் நகரில் ஏப்ரல்-29,1893 இல் பிறந்தார். 

மாண்டானா பல்கலைக்கழகத்தில விலங்கியலில் பட்டம் பெற்றார்.

கலிபோர்னியா பல்கலைக்கழகத்தில் வெப்ப இயக்கவியல் பற்றி ஆய்வு மேற்கொண்டு முனைவர் பட்டம் பெற்றார்.

டென்மார்க் தலைநகர் கோபன்ஹேகனில் உள்ள நீல்ஸ்போர் இன்ஸ்டி டியூட்டில் ஃபெலோஷிப் பெற்றார். 

பின்னர் ஜான் ஹாப்கின்ஸ் பல்கலைக் கழகத்தில் ஆய்வு அசோசியேட்டாக இருந்தார். 

பின்னர் கொலம்பியா பல்கலைக்கழகத்தில் அசோசியேட் பேராசிரியராகப் பதவி ஏற்றார்.

ஆய்வுகள்:-

அணுக்கருவியல் ஆராய்ச்சிகள் குறித்து ஆர்வம் கொண்டார். 

யுரேனியம் செறிவூட்டல் குறித்த பிரச்சினைகளுக்குத் தீர்வு காணும் வகையில் ஐசோடோப்களைப் பிரித்தெடுக்கும் ஆய்வில் ஈடுபட்டார்.

தனது குழுவினருடன் இணைந்து வாயுப் பரவல் கோட்பாட்டைப் பயன்படுத்தி ஐசோடோப்பை பிரித்தெடுக்கும் வழிமுறையை மேம்படுத்தினார். அது ‘ஹெவி ஹைட்ரஜன்’ (டியூட்டிரியம்) கண்டறிய வழிகோலியது. இதற்காக 1934-ல் வேதியியலுக்கான நோபல் பரிசைப் பெற்றார்.

கார்பன், நைட்ரஜன், ஆக்சிஜன், கந்தகத்தில் இருந்து கனமான ஐசோடோப்களைப் பிரித்தெடுத்தார்.

அணுக் கட்டுமானம் குறித்த ஆய்வுகளில் ஈடுபட்டார்.

வானியல், நிலவியல், உயிரியல் துறைகளிலும் பல ஆய்வுகளை மேற்கொண்டார். 

இரண்டாம் உலகப்போர் தொடங்கியபோது, ஐசோடோப்பை பிரிப்பதில் இவரது நிபுணத்துவம் உலகம் முழுவதும் அங்கீகாரம் பெற்றது.

மன்ஹாட்டன் திட்டத்தில் 1943-ல் இணைந்தார். அங்கு விஞ்ஞானிகளின் குழுவோடு இணைந்து யுரேனியத்தைப் பிரித்தெடுக்கும் ‘யூரே டிஃப்யூஷன்’ முறையை மேம்படுத்தினார். இத்திட்டத்தில் அணுகுண்டு உருவாக்கத்துக்கு குறிப்பிடத்தக்க பங்களிப்பை வழங்கினார். 

உயிரற்ற பொருள்களில் இருந்து உயிருக்குத் தேவையான கரிமப்பொருள்கள் உருவாவது குறித்த கோட்பாடுகளை உருவாக்கியதிலும் சிறந்த பங்களிப்பை வழங்கினார்.

காஸ்மோ வேதியியல் துறை உருவாக தீவிர முயற்சி மேற்கொண்டார். 

நூல்கள்:-

ஆய்வுக் குழுவை உருவாக்கி ஆர்தர் ருவார்க்குடன் இணைந்து அணு, மூலக்கூறு, குவான்டம் குறித்த நூலை எழுதி வெளியிட்டார்.

பதவிகள்:-

யுரேனியம் கமிட்டி தலைவராக 1941-ல் நியமிக்கப்பட்டார்.

விருதுகள்:-

1934-வில்லார்ட் கிப்ஸ் விருது, 

1940-டேவி மெடல்,

1943-ஃப்ராங்க்ளின் மெடல்,

1947-ராயல் சொசைட்டி பதவி.

1975-வி.எம். கோல்ட்ஷ்க்மிட் விருது.

சிறப்புகள்:-

கோள் அறிவியலில் சாதனை புரிந்தவர்களுக்கு அமெரிக்க வானியல் கழகம் இவரது பெயரில் விருது வழங்கிவருகிறது.

மறைவு:-

வாழ்நாள் முழுவதும் ஆராய்ச்சிகளில் ஈடுபட்டு வந்த ஹரால்டு கிளேட்டன் யூரே 88-வது வயதில் ஜனவரி-05, 1981 மறைந்தார்.