தினம் ஒரு திருக்குறள் அறிவோம். 61 மடி இன்மை, குறள் : 606

தினம் ஒரு திருக்குறள்

            

         61  மடி இன்மை

குறள் : 606

படியுடையார் பற்றமைந்தக் கண்ணும் மடியுடையார்

மாண்பயன் எய்தல் அரிது

மு.வ உரை :

நாட்டை ஆளும் தலைவருடைய உறவுத் தானே வந்து சேர்ந்தாலும்  சோம்பல் உடையவர் சிறந்த பயனை அடைய முடியாது.

கலைஞர் உரை :

தகுதியுடையவரின் அன்புக்குப் பாத்திரமானவராக இருப்பினும் சோம்பலுடையவர்கள் பெருமை எனும் பயனை அடைவதென்பது அரிதாகும்.

சாலமன் பாப்பையா உரை :

நிலம் முழுவதும் ஆண்ட மன்னர்களின் செல்வம் எல்லாம் சேர்ந்திருந்தாலும், சோம்பலை உடையவர் நல்ல பயனை அடைவது அரிது.